262

اسلامی ملک نے اسرائیل کا جنگی طیارہ مار گرایا، اب تک کی سب سے بڑی خبر آگئی

دمشق: خانہ جنگی کا شکار شام نے ایک اسرائیلی طیارے کو مار گرایا ہے، اسرائیلی فوج کا کہنا ہے کہ طیارے کو اینٹی ایئر کرافٹ فائر کے ذریعے گرایا گیا ہے۔
اسرائیلی فوج کی جانب سے جاری بیان میں کہا گیا ہے کہ ان کا ایف 16 جیٹ طیارہ شامی علاقے میں بمباری میں مصروف تھا کہ اسی دوران اسے ایک اینٹی ایئر کرافٹ میزائل نے نشانہ بنایا جس کے نتیجے میں طیارہ تباہ ہوگیا۔ میزائل حملے کے بعد طیارے میں موجود دونوں پائلٹس بحفاظت نکل کر اسرائیلی حدود تک پہنچنے میں کامیاب ہوگئے جنہیں علاج کیلئے ہسپتال منتقل کردیا گیاہے۔ طیارے پر حملے کے بعد اسرائیل نے جوابی کارروائی کرتے ہوئے شام کی حدود میں ایرانی تنصیبات پر بمباری کی ، اردن اور شام کے سرحدی علاقوں میں رہنے والے لوگوں کا کہنا ہے کہ انہوں نے علاقے میں بہت زیادہ گولہ باری کی آوازیں سنی ہیں۔

اس خبر پر اپنی رائے کا اظہار کریں

اپنا تبصرہ بھیجیں