90

ماہرہ خان کی لوگوں سے وزیراعظم کے کورونا فنڈ میں امداد دینے کیدرخواست

وزیراعظم عمران خان کے کورونا ریلیف فنڈ میں اپنی حیثیت کے مطابق عطیات جمع کرائیں، ماہرہ خان فوٹوفائل
وزیراعظم عمران خان کے کورونا ریلیف فنڈ میں اپنی حیثیت کے مطابق عطیات جمع کرائیں، ماہرہ خان فوٹوفائل
کراچی: اداکارہ ماہرہ خان نے لوگوں سے وزیراعظم کے کورونا فنڈ میں امداد دینے کی درخواست کی ہے۔
وزیراعظم عمران خان نے یکم اپریل کو کورونا وبا کے خلاف قومی مدافعت میں معاونت اور لوگوں کی امداد کے لئے”کرونا ریلیف فنڈ“ قائم کرنے کا اعلان کرتے ہوئے کہا تھا کہ میں چاہتا ہوں کہ سب اس فنڈ میں اپنا حصہ ڈالیں تاکہ ان لوگوں کی دیکھ بھال ممکن ہوسکے جنہیں بندشوں (لاک ڈاو¿ن) نے افلاس کے کنارے لاکھڑا کیا ہے۔
یہ بھی پڑھیں: مستحقین کو امداد دیتے وقت سیلفی لینے والے فنکاروں پر یاسر حسین برس پڑے
ماہرہ خان نے لوگوں سے درخواست کرتے ہوئے کہا کہ وزیراعظم عمران خان کے کووڈ19 کے کورونا ریلیف فنڈ میں اپنی حیثیت کے مطابق عطیات جمع کرائیں۔
ماہرہ خان سے قبل اداکارہ مہوش حیات بھی لوگوں سے وزیراعظم کے ریلیف فنڈ میں عطیات جمع کرانے کی درخواست کرچکی ہیں۔ اپنے ویڈیو پیغام میں مہوش حیات کا کہنا تھا کہ کورونا کے باعث ہونے والی چھٹیاں، چھٹیاں نہیں ہیں ہمیں زندگیاں بچانے کے لیے گھر میں رہنا ہوگا۔ ہم ساتھ مل کر اس جنگ کو جیت جائیں گے۔

اس خبر پر اپنی رائے کا اظہار کریں

اپنا تبصرہ بھیجیں