مسٹر زرداری کی بونگیاں

زرداری کا عمران خان کو مردوں کی طرح جیل کاٹنے کا مشورہ بالکل ایسا ہی ہے جیسے کوئی خواجہ سراہ اپنے باپ بننے کا اعلان کردے۔ مسٹر زرداری ایک پیدائشی اداکار ہے، اداکار ہیں اور اداکار رہیں گے۔ اداکار کی اداکاری کا حقیقت سے دور تک کا کوئی واسطہ تعلق نہیں ہوتا وہ صرف اس طرح کی ایکٹنگ کررہا ہوتا ہے مسٹر زرداری کی پہلی کریمنل واردات بھی فلمی انداز میں تھی وہ فلمی انداز میں پکڑے بھی گئے اور فلمی انداز میں ہی وہ جیل بھی گئے اور کھیلتے کودتے فلمی انداز میں ہی انہوں نے گیارہ سال کی جیل بھی کاٹی جس طرح سے تین گھنٹے کی فلم میں اداکار عمرقید کی سزا کاٹ لیتے ہیں بچے جوان ہو جاتے ہیں بالکل اسی طرح سے مسٹر زرداری نے فلمی انداز میں سیاست کی، صدر بن گئے اور فلمی انداز میں ہی انہیں ہر طرح کے جرائم کے لئے تاحیات استثنیٰ بھی مل گیا لیکن وہ جس طرح کا طعنہ یا پھر مشورہ پاکستان کے دور حاضر کے سب سے بڑے حقیقی ہیرو اور حقیقی رہبر کو یہ طعنہ یا پھر یہ مشورہ دے رہے ہیں نہ تو ان کی سیاست کوئی ڈرامہ یا اداکاری ہے اور نہ ہی ان کی قید کوئی دکھاوا یا پھر کوئی اداکاری ہے ان کے خلاف درج مقدمات ضرور دکھاوا یا پھر اداکاری و فنکاری کے زمرے میں آتی ہے مگر ان کی قید دور جہالت کی قید کی طرح سے اذیت ناک قید ہے اس طرح کی قید کہ اس کا سامنا زرداری اور شریف برادران تو کیا کوئی عادی مجرم بھی نہیں کر سکتا اس طرح کی قید کا اس طرح سے دونمبری کے ذریعے ایوان صدر پر قابض کسی ذہنی مریض کا بیان دینا شرمناک ہے اور بے حسی کا ایک عریاں مظاہرہ ہے سب کو معلوم ہے مسٹر زرداری جس پر اغواءبرائے تاوان اور قتل جیسے سنگین مقدمات درج تھے انہیں تو کال کوٹھری میں رکھنا چاہئے تھا مگر انہوں نے وہ جیل فائیو اسٹار ہوٹل کی طرح سے کاٹی اور کون سی ایسی عیاشی ہے جو انہوں نے جیل میں قید میں ہوتے ہوئے نہیں کی اور تو اور اپنے مخالفین کا جیل میں رہتے ہوئے اپنے ساتھیوں سے قتل تک کروائے کے ان پر الزامات ہیں خدا کی شان دیکھئے کہ وہ اٹھ کر عمران خان کو جیل کاٹنے کا طعنہ دے رہا ہے اس طرح کے سینما بلیک میلروں کچھ کہنے سے پہلے اپنے گریبان میں ایک بار ضرور جھانکنا چاہئے کہ وہ کس کے بارے میں کیا کہہ رہے ہیں۔ عمران خان اور زرداریوں اور شریفوں کا تو کوئی جوڑ بنتا ہی نہیں ہے عمران خان کے پائے کا سیاستدان اور انسان تو پاکستان کجا پورے جنوبی ایشیا میں ڈھونڈنے سے بھی نہیں ملے گا ایک بے داغ صاف ستھرے کردار کا مالک سیاستدان غلطی سے پاکستان کو نصیب ہوا مگر پاکستان کی کرپٹ ترین اشرافیہ اور فرسودہ سسٹم اپنی بقاءکے لئے اس کی دشمن ہو گئی اور عالمی سامراج کے ساتھ مل کر ان پر جھوٹے مقدمات درج کرواکر انہیں پابند سلاسل کیا ہوا ہے۔۔۔؟ تاکہ باہر رہ کر وہ پاکستانی عوام کو اور زیادہ باشعور کرکے اس سسٹم اور اشرافیہ سے پوری طرح سے باغی ہی نہ کردے اور اس طرح سے اگر ملکی عوام نے حقیقی آزادی حاصل کرلی تو پھر اشرافیہ اور فرسودہ سسٹم چلانے والوں کی حاکمیت خطرے میں پڑ جائے گی اور اس طرح سے وہ غلام بن جائیں گے محض اپنی آزادی کو برقرار رکھنے کے لئے عمران خان کو جھوٹے مقدمات میں ملوث کرکے جیل میں رکھا گیا ہے تاکہ وہ حقیقی آزادی کے حصول کے لئے پاکستانیوں کو باشعور کرنے کا سلسلہ بند کردے اس قید نا حق جو اذیت سے بھرا ہے اس پر مسٹر زرداری کا عمران خان پر طنز اور انہیں مردوں کی طرح سے جیل کاٹنے کا طعنہ دینا بہت ہی افسوسناک ہے، کم از کم صدر پاکستان ہوتے ہوئے مسٹر زرداری کو اس طرح کی بات زیب نہیں دیتی انہیں فوری طور پر ملکی عوام سے معافی مانگنے کی ضرورت ہے اسی میں صدر کے عہدے کا تقدس مضمر ہے۔