اسلام آباد/دوحہ (نیوز ڈیسک) وزیر اعظم شہباز شریف نے امیر قطر اور قطری ہم منصب شیخ محمد بن عبد الرحمان سے ملاقات کی جس میں دو طرفہ تعلقات اور عالمی پیش رفت پر تبادلہ خیال کیا گیا جبکہ امیر قطر نے وزیر اعظم کی جانب سے دی گئی دورہ پاکستان کی دعوت قبول کر لی۔ وزیر اعظم شہباز شریف نے قطر کے امیر شیخ تمیم بن حمد الثانی سے ملاقات کی جس میں امیر قطر شیخ تمیم بن حمد الثانی نے اقتصادی شراکت داری کو اعلیٰ سٹریٹجک سطح تک بڑھانے کے لئے قطر کے عزم کا اعادہ کیا۔ وزیر اعظم نے امیر قطر کو پاکستان کے دورے کی دعوت کا اعادہ کیا جسے امیر قطر نے بخوشی قبول کر لیا اور یہ دورہ اسی سال ہوگا۔ ملاقات میں نائب وزیر اعظم و وزیر خارجہ اسحاق ڈار اور آرمی چیف اور چیف آف ڈیفنس فورسز فیلڈ مارشل سید عاصم منیر بھی موجود تھے۔ دونوں رہنماو¿ں نے دو طرفہ تعلقات کے تمام پہلوو¿ں کا جائزہ لیا اور پاکستان اور قطر کے درمیان دبیر بینہ برادرانہ تعلقات کو مزید مضبوط بنانے کے لئے اپنے مشترکہ عزم کا اعادہ کیا۔ انہوں نے سیاسی مصروفیات کے مثبت انداز پر اطمینان کا اظہار کیا اور باہمی دلچسپی کے تمام شعبوں میں تعاون بڑھانے کی اہمیت پر زور دیا۔ دونوں رہنماو¿ں نے باہمی دلچسپی کی علاقائی اور بین الاقوامی پیش رفت پر بھی تبادلہ خیال کیا۔ دونوں رہنماو¿ں نے مذاکرات، سفارت کاری اور تنازعات کے پر امن حل کی اہمیت پر زوردیا۔ انہوں نے کثیر الجہتی فورمز کے اندر قریبی تعاون کے لئے اپنی حمایت کا اعادہ کیا اور اہم علاقائی مسائل پر قریبی روابط برقرار رکھنے پر اتفاق کیا۔ وزیر اعظم شہباز شریف نے قطر کے وزیر اعظم اور وزیر خارجہ شیخ حمد بن عبدالرحمن بن جاسم الثانی سے بھی ملاقات کی جس میں دوطرفہ تعلقات سمیت علاقائی و عالمی امور پرتفصیلی تبادلہ خیال کیا گیا۔ ملاقات میں وزیر اعظم کے ہمراہ نائب وزیر اعظم و وزیر خارجہ اسحاق ڈار، چیف آف آرمی سٹاف و چیف آف ڈیفنس فورسز فیلڈ مارشل سید عاصم منیر، وفاقی وزیر اطلاعات ونشریات عطا اللہ تارڑ اور وزیر اعظم کے معاون خصوصی طارق فاطمی بھی موجود تھے۔ دونوں رہنماو¿ں نے پاکستان اور قطر کے درمیان مضبوط برادرانہ تعلقات کا اعادہ کرتے ہوئے سیاسی، اقتصادی اور ادارہ جاتی روابط میں بڑھتی ہوئی رفتار پر اطمینان کا اظہار کیا۔ ملاقات میں تجارت اور سرمایہ کاری ، توانائی اور دفاعی تعاون اور افرادی قوت (لیبر ) اور ثقافتی تبادلوں کے شعبوں میں تعاون بڑھانے پر اتفاق کیا گیا۔ دونوں ممالک نے ان شعبوں میں تعاون کو تیز کرنے کے لئے مشتر کہ ٹاسک فورس کے کردار کو کلیدی قرار دیا اور حالیہ اعلی سطح فیصلوں پر فوری عمل درآمد کی اہمیت پر زور دیا۔ ملاقات کے دوران غزہ میں جاری انسانی بحران اور خلیج کی سلامتی سمیت وسیع تر علاقائی مسائل پر بھی بات چیت ہوئی۔ وزیر اعظم نے خطے میں کشیدگی کم کرنے اور مذاکرات کے فروغ کے لئے قطر کی تعمیری سفارتی کوششوں کو سراہا۔ دونوں رہنماو¿ں نے اس بات پر زور دیا کہ تمام تنازعات کا حل بین الاقوامی قوانین اور اقوام متحدہ کے چارٹر کی پاسداری میں ہی پنہاں ہے۔ ملاقات کے اختتام پر پاکستان اور قطر کے درمیان سٹریٹجک شراکت داری کو مزید ٹھوس بنیادوں پر استوار کرنے اور عالمی و علاقائی مسائل پر مسلسل رابطے میں رہنے کے عزم کا اعادہ کیا گیا۔ قبل ازیں وزیر اعظم نے قطر کے نائب وزیر اعظم اور وزیر مملکت برائے دفاعی امور شیخ سعود بن عبد الرحمان سے ملاقات کی جس میں دفاع اور سکیورٹی کے شعبوں میں دو طرفہ تعاون کو مزید وسعت دینے پر اتفاق کیا گیا۔ ملاقات کے دوران دونوں رہنماو¿ں نے پاکستان اور قطر کے درمیان مضبوط، برادرانہ اور تاریخی تعلقات کا اعادہ کرتے ہوئے باہمی دفاعی شراکت داری پر اطمینان کا اظہار کیا۔ وزیر اعظم نے دونوں ممالک کی مسلح افواج کے درمیان جاری تعاون کو سراہتے ہوئے کہا کہ پاکستان دفاعی تعاون کو مزید مستحکم اور متنوع بنانے کے لئے پر عزم ہے۔ شیخ سعود بن عبد الرحمن الثانی نے پاکستان کی مسلح افواج کی پیشہ ورانہ مہارت کو خراج تحسین پیش کیا اور دفاعی شعبے میں شراکت داری کو مزید گہرا کرنے میں قطر کی دلچسپی کا اظہار کیا۔ ملاقات میں علاقائی صورتحال، بالخصوص ایران اور افغانستان کے تناظر میں پیش رفت پر بھی تبادلہ خیال کیا گیا۔ فریقین نے اس عزم کا اعادہ کیا کہ پاکستان اور قطر کے درمیان باہمی دلچسپی کے تمام شعبوں میں سٹریٹجک شراکت داری کو مزید بلند سطح تک لے جایا جائے گا۔ وزیر اعظم نے قطر کے وزیر مملکت برائے خارجہ تجارت ڈاکٹر احمد بن محمد السید سے بھی ملاقات کی۔ ملاقات کے دوران فریقین نے دوطرفہ تجارتی اور اقتصادی تعاون کا جائزہ لیا اور پاکستان قطر تعلقات میں بڑھتی ہوئی رفتار پر اطمینان کا اظہار کیا۔ وزیر اعظم نے دو طرفہ تجارتی حجم کو بڑھانے اور قطر کو پاکستان کی برآمدات خاص طور پر زرعی مصنوعات ، کھانے پینے کی اشیا اور ویلیو ایڈ ڈاشیا کی برآمدات کو متنوع بنانے کی اہمیت پر زور دیا۔ دونوں فریقین نے پاکستان قطر مشتر کہ وزارتی کمیشن کے چھٹے اجلاس کے فالواپ پر تبادلہ خیال کیا اور طے شدہ فیصلوں پر عمل درآمد کے عزم کا اعادہ کیا۔ دونوں فریقین نے رمضان المبارک کے دوران دونوں ممالک کے متعلقہ حکام پر مشتمل ٹاسک فورس کا اجلاس بلانے پر بھی اتفاق کیا جس میں پاکستان میں قطری سرمایہ کاری کے لئے ٹھوس سرمایہ کاری کی تجاویز پر تبادلہ خیال جائے گا۔ ملاقات میں پاکستان اور قطر کے درمیان تجارت ، سرمایہ کاری اور صنعتی تعاون کو مزید گہرا کرنے کے مشترکہ عزم پر زور دیا گیا۔ دریں اثنائ وزیر اعظم سے قطر بزنس مین ایسوسی ایشن ( کیوبی اے ) کے وفد نے ملاقات کی۔ وزیر اعظم نے پاکستان اور قطر کے درمیان اقتصادی اور تجارتی روابط کو مضبوط بنانے میں قطر بزنس مین ایسوسی ایشن کے تعمیری کردار کو سراہا۔ انہوں نے اس بات پر زور دیا کہ پاکستان دوطرفہ شراکت داری کے ایک اہم ستون کے طور پر نجی شعبے کی قیادت میں مصروفیات کو بہت اہمیت دیتا ہے۔ دونوں فریقوں نے قریبی روابط برقرار رکھنے پر اتفاق کیا۔
7
