628

ڈونلڈ ٹرمپ کی معاون اطلاعات ہوپ ہکس مستعفی

واشنگٹن: ڈونلڈ ٹرمپ کی قریبی ساتھی اور وائٹ ہائوس کی کمیونیکیشن ڈائریکٹر ہوپ ہکس اپنے عہدے سے مستعفیٰ ہوگئیں۔
امریکی صدر ڈونلڈ ٹرمپ کی قریبی ساتھی اور وائٹ ہائوس کی کمیونیکیشن ڈائریکٹر ہوپ ہکس نے اپنے عہدے سے استعفیٰ دیدیا ہے، 29 سالہ ہوپ سابقہ امریکی ماڈل اور ڈونلڈ ٹرمپ کے قریبی ساتھیوں میں شمار کی جاتی ہیں جب کہ ہوپ کئی سالوں سے امریکی صدر کے ساتھ تھیں۔
ہوپ ہکس امریکی صدارتی الیکشن میں روس کی مداخلت کے حوالے سے امریکی ایوان نمائندگان کی تحقیقاتی کمیٹی کی سماعت میں پیش ہوئی تھیں جہاں ان سے 9 گھنٹے تک تفتیش ہوئی تھی۔ سماعت کے صرف ایک دن بعد ہی انہوں نے مستعفیٰ ہونے کا اعلان کردیا تاہم وائٹ ہائوس کا کہنا ہے کہ ان کے استعفیٰ کا تحقیقاتی کمیٹی کے سامنے پیشی سے کوئی تعلق نہیں ہے۔
وائٹ ہائوس کی ترجمان کی جانب سے جاری بیان میں کہا گیا ہے کہ ہوپ ہکس کی جگہ کوئی نہیں لے سکتا، وہ کئی خصوصیات کی حامل تھیں اور یہ خلاءکوئی پوری نہیں کرسکتا۔ سارہ سینڈر کا کہنا تھا کہ ہوپ ہکس قابل اور باصلاحیت خاتون تھیں جن سے میں نے ملاقات کی اور ان کے بغیر کام کرنا مشکل ہوگا۔

اس خبر پر اپنی رائے کا اظہار کریں

اپنا تبصرہ بھیجیں