499

کابل خود کش حملہ؛ ہلاکتوں کی تعداد3 ہوگئی

کابل: افغان دارالحکومت کابل کے علاقے قابیل بئی میں خودکش حملے کے نتیجے میں ہلاکتوں کی تعداد 3 ہوگئی۔
میڈیاکے مطابق افغانستان کے دارالحکومت کابل میں خودکش حملے کے نتیجے میں ایک شخص ہلاک جب کہ 4 زخمی ہوگئے تھے، واقعہ کے بعد امدادی اہلکاروں نے زخمیوں کو قریبی اسپتال منتقل کیا جہاں دو زخمی افراد دم توڑ گئے جس کے بعد ہلاکتوں کی تعداد 3 ہوگئی جب کہ زخمیوں کی تعداد بڑھ کر 22 ہوگئی۔ سیکیورٹی فورسز نے علاقے کو گھیرے میں لیکر شواہد اکھٹے کرنا شروع کردیے، افغان حکام کا کہنا ہے کہ دھماکے میں غیر ملکی افواج کے قافلے کو نشانا بنایا گیاتھا۔
افغان وزارت داخلہ کے مطابق دھماکا خودکش ہوسکتا ہے تاہم اس حوالے سے پولیس مزید تفتیش کررہی ہے، عینی شاہدین کا کہنا ہے کہ دھماکا اس قدر شدید تھا کہ آس پاس کی گاڑیوں میں آگ لگ گئی اور اس کی آواز دور دور تک سنی گئی جب کہ آس پاس گھروں کو بھی نقصان پہنچا۔ حملے کی زمہ داری ابھی تک کسی گروپ کی جانب سے قبول نہیں کی گئی تاہم خدشہ ہے کہ حملہ دہشت گرد تنظیم داعش کی کارروائی ہے۔

اس خبر پر اپنی رائے کا اظہار کریں

اپنا تبصرہ بھیجیں