واشنگٹن، مقبوضہ بیت المقدس (فرنٹ ڈیسک) اسرائیلی وزیر اعظم بینجمن نیتن یاہو نے وائٹ ہاو¿س میں امریکی صدر ڈونلڈ ٹرمپ سے ملاقات کے دوران کہا کہ وہ فلسطین میں دوریاستی حل کو مسترد کرتے ہیں کیونکہ ایک آزاد فلسطینی ریاست اسرائیل کو تباہ کرنے کا پلیٹ فارم بن سکتی ہے۔ یا ہونے کہا کہ فلسطینیوں کو حکومت کرنے کا حق ہونا چاہے لیکن سکیورٹی جیسے معاملات ہمیشہ اسرائیل کے کنٹرول میں رہنے چاہیں۔ ٹرمپ نے فلسطینیوں کو غزہ سے بے دخل کرنے کے متنازع منصوبے پر بھی پیش رفت کا اشارہ دیتے ہوئے کہا کہ اطراف کے تمام ممالک سے شاندار تعاون ملا ہے، کچھ اچھا ہونے والا ہے۔ اسرائیلی وزیر اعظم نے بتایا کہ غزہ کے رہائشیوں کو ہمسایہ ممالک میں منتقل کرنے کی کوششوں میں امریکا ان کا ساتھ دے رہا ہے۔ ٹرمپ نے بھی تصدیق کی کہ ان کی ٹیم خطے میں سرگرم ہے اور جلد اہم فیصلے متوقع ہیں نیتن یاہو نے مزید کہا کہ اگر فلسطینی جانا چا ہیں تو نہیں جانے دیا جائے گا، ہم ان کے لیے بہتر مستقبل تلاش کر رہے ہیں۔ یہ ملاقات اس وقت ہوئی جب اسرائیل ایران جنگ کے بعد جنگ بندی معاہدے کو تقویت دینے کے لیے سفارتی کوششیں جاری ہیں۔ ٹرمپ نے کہا کہ ان کی انتظامیہ ان کے ساتھ براہ راست بات چیت کا ارادہ رکھتی ہے اور مناسب وقت پر ایران پر سے پابندیاں ختم کی جاسکتی ہیں۔ ملاقات کے دوران تین یا ہونے ٹرمپ کو نوبیل امن انعام کے لیے بھی پیش کیا، جس پر ٹرمپ نے خوشی کا اظہار کیا۔ وائٹ ہاو¿س کے باہر فلسطینیوں کی بڑی تعداد نے مظاہرہ کیا، جس میں نیتن یاہو کی گرفتاری اور اسرائیل کو ہتھیاروں کی فراہمی بند کرنے کا مطالبہ کیا گیا۔ ادھر ٹرمپ نے کہا کہ ان کی انتظامیہ ایران سے ملاقات کرنے جارہی ہے، انہوں نے کہا کہ ہم نے ایران سے بات چیت کا شیڈول بنایا ہے اور وہ بات کرنا چاہتے ہیں، انہیں شدید نقصان اٹھانا پڑا ہے۔ ٹرمپ کے مشیر برائے مشرق وسطی اسٹیوف نے کہا کہ یہ ملاقات آئندہ ایک ہفتے میں متوقع ہے۔ ڈونلڈ ٹرمپ نے یہ بھی کہا کہ وہ کسی مناسب وقت پر ایران پر عائد پابندیاں ختم کرنا چاہیں گے، ان کا کہنا تھا کہ میں چاہوں گا کہ کسی مناسب وقت پر پہ پابندیاں ہٹا سکوں۔
157
