لاہور / سڈنی: کورونا وائرس کے پھیلاو¿ کے بعد خالی اسٹیڈیمز میں ٹی 20 ورلڈکپ کرانے کے بجائے اسے ملتوی کرنے کی آوازیں بلند ہونا شروع ہوگئیں۔
آسابق آسٹریلوی کپتان ایلن بارڈر نے بغیر تماشائیوں کے ٹی 20 ورلڈ کپ کرانے کے آئیڈیا کو مسترد کردیا ہے۔ ان کا کہنا ہے کہ خالی خالی میدانوں میں کھیلنے کا سوچ بھی نہیں سکتا۔ آتماشائیوں کے بغیر میچز ہوئے تو یہ ایک بھیانک تصور ہوگا جس کا یقین نہیں کیا جاسکتا۔ میں ایسا ہوتا ہوا نہیں دیکھ سکوں گا۔ میچز میں یا تو سب کو اجازت ہو یا پھر وبا کے ختم ہونے کا انتظار کریں۔ ٹی 20 ورلڈ کپ سمیت تمام میچز منسوخ کردیں کیونکہ یہ کسی مناسب وقت پر کرائے جاسکتے ہیں۔
دوسری جانب آسٹریلوی بیٹسمین گلین میکسویل نے بھی سابق کپتان ایلن بارڈر کے بیان کی حمایت کر دی۔ ان کا موقف ہے کہ ٹی 20 ورلڈ کپ بغیر تماشائیوں کے نہیں دیکھ سکتا، میرا نہیں خیال کہ مستقبل قریب میں ایسا ممکن ہے، کھلاڑیوں کے لیے بہت مشکل ہوگا۔
ٹی 20 ورلڈکپ اکتوبر میں شیڈول ہے۔ موجودہ صورتحال میں اس ایونٹ کو جاری رکھنے یا دوسرے آپشنز پر غور کے لیے ابھی تک منتظمین اور آئی سی سی کسی حتمی فیصلے پر نہٰیں پہنچ پائی۔ دیکھو اور انتظار کرو کہ پالیسی جاری ہے۔
234
