٭….رپورٹ: پاکستان ٹائمز….٭
مسی ساگا حلال فوڈ فیسٹیول کی افتتاحی تقریب میں مسی ساگا سوک سینٹر میں منعقد ہوئی جس میں میئر مسی ساگا، ممبر وفاقی اور صوبائی پارلیمنٹ، سٹی کونسلز اور عمائدین شہر کو مدعو کیا گیا تھا، مسی ساگا حلال فوڈ فیسٹیول کے روح رواں عامر شمسی نے اس موقع پر تمام مہمانوں کو خوش آمدید کہا اور بتایا کہ یہ مسی ساگا حلال فوڈ فیسٹیول کا دسواں سال ہے اور یہ کامیابی سے ترقی کی منازل طے کررہا ہے۔
انہوں نے بتایا کہ اس فیسٹیول میں دنیا بھر سے کینیڈا آئے ہوئے لوگوں کے لئے حلال فوڈ متعارف کرایا جاتا ہے جس میں ہر قسم کے کھانوں کے اسٹالز کے ساتھ ساتھ کمیونٹی کی تفریح کے لئے میوزیکل پروگرام بھی پیش کیا جاتا ہے جس میں نامور فنکار اپنے فن کا مظاہرہ کرتے ہیں۔ اس فیسٹیول کا کوئی ٹکٹ نہیں اور یہ ہر سال کمیونٹی کو دو روز انواع اور اقسام کے کھانے متعارف کرواتا ہے۔ اس موقع پر میئر بونی کرامبی، شفقت علی ایم پی، شیرف صوابی، کونسلر سو مک فیڈن نے بھی خطاب کیا اور عامر شمسی کو فیسٹیول کی کامیابی اور دسواں سال پورا ہونے پر مبارکباد پیش کی۔ یہ دو روزہ حلال فوڈ فیسٹیول اس سال جون 16 بروز جمعہ کو دوپہر 12 دن بجے تا رات 12 بجے اور جون 17 بروز ہفتہ کو 11 بجے دن تا رات 9 بجے ہوگا۔
اسٹالز کی بکنگ اور دیگر معلومات کے لئے عامر شمسی کو فون نمبر 416.662.7861 پر کال کیا جا سکتا ہے۔
