٭….رپورٹ: پاکستان ٹائمز….٭
مسی ساگا فوڈ بینک جو کہ نہ صرف مسی ساگا بلکہ جی ٹی اے کے ضرورت مندوں کی دل کھول کر بلا رنگ، نسل و مذہب خدمت کررہا ہے، مسلم کمیونٹی کی جانب سے اس فوڈ بینک کی حوصلہ افزائی کے لئے اس ماہ رمضان میں مسلمانوں کے گروپ CMF نے بھی 10 ہزار ڈالر کا فنڈ مقامی ٹی وی کی مدد سے ایک ٹیلی تھون کے ذریعے مسی ساگا فوڈ بینک کے لئے اکھٹا کیا۔
اس موقع پر شاہد مغل جو کہ کمیونٹی کا ایک ایسا نام ہے جو کہ دامے درمے سخنے حتی الامکان اس بات کے لئے کوشاں رہتے ہیں کہ کمیونٹی کے لوگوں کی بہتری اور ضرورت مندوں کی امداد کے لئے فعال رہا جائے۔ وہ اور ان کی اہلیہ مساجد اور اسلامک سینٹرز میں اپنی خدمات سر انجام دیتے رہتے ہیں۔ مسی ساگا فوڈ بینک میں ہونے والی اس تقریب میں فوڈ بینک کی انچارج میگھن کو مسلم کمیونٹی کی جانب سے 10 ہزار ڈالر کا چیک بھی پیش کیا گیا۔ اس موقع پر مقامی کونسلر اور صوبائی پارلیمنٹ کے ارکان اور مسلم کمیونٹی نے شرکت کی۔
