واشنگٹن (فرنٹ ڈیسک)امریکی صدر ڈونلڈ ٹرمپ نے پاکستان اور بھارت کے درمیان مسئلہ کشمیر پر ثالثی کی ایک بار پھر پیشکش کرتے ہوئے دعویٰ کیا ہے کہ میں کوئی بھی مسئلہ حل کر سکتا ہوں۔ عالمی خبر رساں ادارے کے مطابق امریکی صدر ڈونلڈ ٹرمپ نے کہا میں پاکستان اور بھارت کا ثالث بنوں گا، میں کچھ بھی حل کر سکتا ہوں۔یہ بات امریکی صدر نے وائٹ ہاو¿س میں بل پر دستخط کرنے کی تقریب کے دوران صحافیوں سے گفتگو میں کی۔ڈونلڈ ٹرمپ نے دعویٰ کیا کہ انہوں نے پاکستان اور بھارت کے درمیان ممکنہ جنگ کو فو ن کالز اور تجارتی دباو¿ کے ذریعے روکا، میں نے پاکستان اور بھارت کے درمیان ایٹمی جنگ رکوائی، دونوں ممالک کے رہنماو¿ں کو فون کیا، ان سے تجارت پر بات کی اور کہا اگر جنگ کرو گے تو امریکہ سے تجارت نہیں کرسکو گے۔صدر ٹرمپ نے کہا دونوں ممالک نے میری بات سمجھی اور فوراً جنگ ختم کردی۔انہوں نے مسئلہ کشمیر پر ثالثی کی اپنی پیشکش کو دہرا تے ہوئے صدر ٹرمپ نے کہا پاکستان اور بھارت کا طویل عرصے سے مسئلہ کشمیر پر تنازع ہے، میں نے انہیں کہا میں دونوں کو ساتھ بٹھاو¿ں گا اور مسئلہ حل کروں گا۔امریکی صدر ڈ ونلڈ ٹرمپ نے بتایا بھارت ان دنوں تجارتی معاہدے پر ہم سے مذاکرات کر رہا ہے اور اگلے ہفتے پاکستان کیساتھ بھی تجارتی معاہدوں پر بات چیت ہوگی۔یاد رہے امریکی وزار ت خارجہ کی ترجمان نے بھی ایک روز قبل کہا تھا صدر ٹرمپ کئی بار ایسے لوگوں کو بات چیت کی میز پر لائے ہیں جن کے بارے میں کوئی تصور بھی نہیں کر سکتا تھا۔
55
