762

”بیٹی بچائوبیٹی پڑھائو“بالی ووڈ اسٹارز کے خواتین کے دن پر خصوصی پیغام

ممبئی: ہر سال 8 مارچ کو عالمی یوم خواتین منایاجاتا ہے، خواتین معاشرے میں ریڑھ کی ہڈی کی حیثیت رکھتی ہیں اور یہ دن منانے کا مقصد ہی خواتین کی معاشرے میں خدمات کو سراہنا ہوتا ہے، بالی ووڈ اسٹارزنے بھی اس دن پر خواتین کی اہمیت اور ان کی خدمات کو سراہتے ہوئے دل چھولینے والے خوبصورت پیغامات شیئر کیے ہیں۔

اداکارہ کترینہ کیف نے خواتین کے عالمی دن کے موقع پر اپنی والدہ کی تصویر شیئر کرتے ہوئے انہیں مضبوط ترین خاتون قراردیااور کہا ان کی والدہ بہترین خاتون ہیں جنہوں نے اپنی زندگی دوسروں کی خدمت کرنے میں گزار دی۔

امیتابھ بچن نے اپنی اہلیہ جیابچن، بیٹی شوئینا نندااور بہو ایشوریا رائے بچن کی تصایر شیئر کیں۔ اس کے ساتھ ہی انہوں نے ”بیٹی بچائو بیٹی پڑھائو“ مہم کا حوالہ دیتے ہوئے تمام لوگوں سے درخواست کرتے ہوئے کہا اس بات کا دھیان رکھیئے کہ آپ کی کمیونٹی میں موجود ہر لڑکی کے پاس صحت کی وہی تمام سہولیات ہیں جو لڑکوں کو حاصل ہیں۔

اداکارہ کاجول نے اپنی ایک مزیدار سی ویڈیو انسٹاگرام پر شیئر کی اور لکھا ”لڑو خاتون کی طرح۔“

Fight like a woman #happywomensday ❤😂

A post shared by Kajol Devgan (@kajol) on

خواتین کے عالمی دن کے موقع پر اداکار اکشے کمار نے بھارت کے سب سے بڑے مسئلے یعنی خواتین کیلئے ٹوائلٹ کی عدم دستیابی پر ایک بہت خوبصورت ویڈیو ٹویٹر پرشیئر کرائی جس میں بھارتی وزیر اعظم خواتین کیلئے ٹوائلٹ کی اہمیت پر روشنی ڈال رہے ہیں۔ اس کے ساتھ ہی اس مہم سے جڑنے والی خواتین کی ہمت اور کوششوں کو بھی ویڈیو میں دکھایا گیاہے۔

اداکارہ بپاشا باسو نے خواتین اور لڑکیوں کی مزاحیہ انداز میں رقص کرنے کی ویڈیو شیئر کی جس میں وہ خود بھی رقص کرتی نظر آرہی ہیں۔ اس کے ساتھ ہی انہوں نے نہایت خوبصورت پیغام دیتے ہوئے ”مجھے فخر ہے کہ میری پیدائش ایک عورت کے طور پر ہوئی ہے، میری ماں، بہن، دوستیں اور ہمارے گھر میں 20 سال سے کام کرنے والی خاتون، میری ساتھی اداکارائیں ، سب لوگ ہمیشہ میرا بہت خیال رکھتی ہیں، اس کے علاوہ بہت ساری خواتین ہیں جن سے میں متاثر ہوں، ان میں سے ہر ایک کی زندگی میرے لیے طاقت ہے۔ بپاشا نے کہا ہم کیسے سارے کام ایک ساتھ کرلیتی ہیں ، کیسے ہم تمام کاموں میں اچھی ہیں آج کے دن میں ہم سب خواتین کو خراج تحسین پیش کرنا چاہتی ہوں، ہمیں یہ دن روزانہ منانا چاہئے۔ خواتین کا عالمی دن مبارک ہو۔“

I am so proud to be born as a woman. I am very lucky to be in a household which is dominated in numbers by women. My mother , my sisters, my girl friends , my Jharna di who is working in our house for 20 years, my colleagues, my girl gang who always takes care of me at work… countless women who inspire me each day . Each one is a symbol of strength and their life stories are inspiring. How do we do it all? How are we so awesome in multi tasking? Very few clap for us or notice this super power in us… today I want to clap for me and for all the women of this world. We are awesome. We should celebrate ourselves everyday. So ladies let’s bring on the celebration of our wonderful lives ahead🎉 Happy Women’s Day ❤️ @mumu_basu @sonibasu @vi_basu @baitalikee @deannepanday @suzannedadhich @mamtaanand10 @shyamliarora @priyankaa09 @kajal_s10 @tanujaamehraa @indraniray21 @preetasukhtankar @thelabellife @paulined13 @anushreekirtikar @neelu.i Athira Aunty Nia❤️ Thank you all for sharing your love for being who you are – fabulous women and girls ❤️ #internationalwomensday2018 #loveyourself #lovelife

A post shared by bipashabasusinghgrover (@bipashabasu) on

اداکار انیل کپور نے اس دن بہت ہی خوبصورت پیغام دیتے ہوئے کہا ”خواتین دنیا کی طاقت ہیں۔ اپنی پہلی سانس سے یہ ہماری زندگی کی کہانی کی ہیرو ہوتی ہیں، خواتین صرف دنیا میں ہماری موجودگی کی وجہ نہیں ہوتیں بلکہ ہماری زندگیوں آگے بڑھانے اور چلانے میں ان کا بہت اہم کردار ہوتا ہے۔ خواتین کو وہ تمام چیزیں ملنی چاہئیں جن کی انہیں خواہش ہوتی ہے۔ خواتین کا عالمی دن مبارک ہو۔“

اداکار رتیش دیش مکھ نے خواتین کی اہمیت اجاگر کرتے ہوئے کہا خواتین آپ کو اس دنیا میں لائیں لہٰذا آپ کو کوئی حق نہیں کہ آپ ان کی عزت نہ کریں۔

اداکارہ ہماقریشی نے ہر رنگ اور نسل کی خواتین کی تصویر شیئر کی جس پر لکھا تھا ہم تمام خواتین حیرت انگیز ہیں اس کے ساتھ ہی انہوں نے لکھا بالکل اس میں کوئی شک نہیں۔

اداکار اجے دیوگن نے خواتین سے متعلق اپنے خیالات کا اظہار کرتے ہوئے ایک شو کے دوران کہا مجھے لگتا ہے خواتین کا عالمی دن صرف خواتین کیلئے نہیں ہے، بلکہ یہ مردوں کیلئے اور ان کی ذہنیت کیلئے ہے، جسے تبدیل ہونے کی ضرورت ہے، خواتین کو تبدیل ہونے کی ضرورت نہیں ہے، خواتین ہر چیز میں پرفیکٹ اور مکمل ہوتی ہیں۔

اس خبر پر اپنی رائے کا اظہار کریں

اپنا تبصرہ بھیجیں