مذاکرات میں رکاوٹ کون؟

آخر ایران اور امریکہ مذاکرات کیوں آگے نہیں بڑھ رہے ہیں ان مذاکرات میں رکاوٹ کون بن رہا ہے؟ کون امن کی راہ کو بند کرنا چاہتا ہے؟ کون برھتی ہوئی مہنگائی کو مزید ہوا دیکر عام لوگوں کے جسموں اور روحوں کے درمیان تعلق کا ختم کرنے کے در پر ہے یہ کوئی راکٹ سائنس نہیں ہے جسے سمجھنا مشکل ہو یہ بہت ہی آسان اور سیدھی سادی سی بات ہے کہ ایران اور امریکہ کے مذاکرات اس کی کامیابی اور دونوں کا ایک دوسرے کے قریب کرنا اسرائیل کی موت ہے اس لئے اسرائیل کو اپنی بقاءاور سلامتی کے لئے ان دونوں ممالک کو ایک دوسرے کے لئے آگ اور پانی بنانا ضروری ہے اور آگ اور پانی کا صاف مطلب ان دونوں کا ایک دوسرے کے ہاتھوں موت۔۔۔۔ یہ وہ بنیادی وجہ ہے جس کی وجہ سے یہ مذاکرات آگے نہیں بڑھ رہے ہیں حالانکہ دونوں فریق جنگ بندی کے لئے راضی ہو چکے ہیں جس کا زندہ ثبوت جنگ کا فی الحال روکے جانا ہے جب کہ اسرائیل کی جانب سے جنگ بندی کے باوجود لبنان پر بدستور حملے ہوتے رہے جس کا صاف مطلب وہ ان مذاکرات سے خوش نہیں تھا اس لئے وہ لبنان پر حملہ کرکے ایک طرح سے ایران کو مشتعل کرکے مذاکرات سے بھٹکانا چاہتا تھا مگر وہ اس مقصد میں کامیاب نہ ہو سکا جس کے بعد صدر ٹرمپ پر نفسیاتی حربے استعمال کرتے ہوئے انہیں ان مذاکرات پیچھے ہٹنے کے لئے مجبور کررہا تھا اور اب ایسے لگ رہا ہے کہ وہ اپنے اس مقصد میں کامیاب بھی ہو گیا امریکہ میں ٹرمپ پر حملہ بھی اسی سلسلے کی کڑی ہو سکتی ہے ایسا کہنا ہے امریکی اور مغربی سیاسی مبصرین اور دفاعی تجزیہ نگاروں کا۔۔۔ اس جنگ کی ابھی تک کی صورتحال سے تو یہ بات واضح ہو گئی ہے کہ یہ جنگ امریکہ اور اسرائیل بہت ہی بری طرح سے ہار چکے ہیں ، محدود فوجی وسائل ہونے کے باوجود ایران نے دنیا کی سپر پاور کو پیچھے دھکیلنے پر مجبور کردیا امریکہ کا دفاعی اور فوجی بہت زیادہ نقصان ہوا ہے جسے خفیہ رکھا گیا ہے اس جنگ کی وجہ سے ٹرمپ کو امریکہ میں فوجی بغاوت کا سامنا کرنا پرا، لاتعداد جرنلوں کو برطرف کرنا پڑا کیونکہ وہ سب کے سب نہ صرف ایران پر حملہ اور اس جنگ کے خلاف تھے بلکہ اپنی زمینی فوج ایران میں اتارنے کے بھی خلاف تھے یہ ہی وجہ ہے کہ امریکی فوج ایران میں جنگ لڑنے نہیں گئی بلکہ قریبی خلیجی ممالک میں واقع اپنے ایئر بیسز سے بھی انہیں واپس بلالیا گیا کیونکہ وہاں پر بھی ایران نے لاتعداد راکٹ داغے جس سے متحدہ عرب امارات کو بہت زیادہ نقصان ہوا اور دبئی دنیا کا ایک غیر محفوظ شہر کے طور پر دنیا میں ابھر کر آیا اور اسے محفوظ سمجھ کر وہاں آنے والے امیر زادوں نے وہاں سے بھاگنے میں ہی اپنی عافیت جانی یہ نقصان ہوا اس جنگ سے امریکہ اور اس کے اتحادی عرب ممالک کو۔۔۔ اس کے باوجود ان مذاکرات کو اسرائیل مسلسل ناکام بنا کر ایران اور امریکہ کو آپس میں لڑوانے کی مسلسل کوشش اور سازشیں کررہا ہے مگر خدا کا شکر ہے کہ خود عرب ممالک بھی اسرائیل کی اس سازش کو جان چکے۔ اس لئے وہ بھی امریکہ پر دباﺅ ڈال رہے ہیں کہ وہ ایران سے مذاکراتکرکے اس جنگ کو اصل میں تبدیل کردیں کسی کی خواہش کے لئے مذاکرات سے دوری اختیار نہ کریں دیکھنا یہ ہے کہ مذاکارات کی کامیابی سے اسرائیل کی سلامتی خطرے میں پڑتی ہے اور دنیا کو امن ملتا ہے یا پھر مذاکرات کی ناکامی سے دنیا کو تیسری عالمی ایٹمی جنگ کا سامنا کرنا پڑتا ہے۔